يمه.. ضميني

يمه..[ضميني] لصدرك

و[دفيني] بحضنك

خليني [أنااام] ولا تصحيني

اتركيني.. لأحلامي وحنيني

يمه..

صار لي أكثر من سنة

وانا ادور لعروقي دفا~

وارسم لجل القى الوفا~

بس للأسف

خانتني [دروبي] واختنقت

وتهت ولحد حس فيني~

يمه..

[تهت] وسط هالزحام

ولا حتى دروا عني

أو ع الأقل افقدوني

وانتي تدرين فيهم

طبعهم دايم كذا

إن غبت عنهم

أبد [ما يفقدوني]

يمه..

هذي أنا

جيتك [وانا] كلي حزن وهموم

أنثر [جرايد غربتي] مطر

لجل ألقى لي وطن

أحتويه ويحتويني

ارتوي من مسافاته وهو يسقيني

بس [للأسف]

ما لقيت لي بلاد تحس فيني

يمه..

قسم بالله [يخنقني] حنيني

وانا اللي ما عرف قلبي غير الحنين

وما امتلى [صدري] إلا بأنين

وما كان لي أي شي سوا قلبك يرويني

يمه..

تدرين فيني

مستحيل أقوى على هم يجيني

ولا حتى أرضى [بالحزن] يطويني

يمه..

[طلبتك] أبد لا تخليني

وبحضنك حيييل ضميني

وإذا جيتك أبي أنام

اخذيني لحضنك

وهدهديني

لجل أحلماني لقيت بلادتحس فيني

تعرفـ أنا من؟؟!!

تعرف أنا من؟؟!
لا تنحرج عادي
انسان عادي
ممتلي جروح وأنادي
ما ادّعيت اني حزين
وغص حزني من عنادي

قالها إياد المريسي
وأجدني فيها/ أجدها تسكن بداخلي
هذه أنا.. إذا ما ابتدأني النزف
واعتراني جنون الكلام..

أما أنا كـ ما أعرف/ يعرفون

طالبة جامعية.. طمحت لعناق الكلمات..والغوص فيها..ولكن..قبل أن أعانقها..رمتني الدنيا في بحر البرمجة يجتذبني لعمق ٍ لا أدري أي شيء سينتشلني منه..
وها أنا.. في سنتي الرابعة.. أعيش مع البرمجة.. وتعيش بجانبي.. ولا أدري متى سيعتريني جنون الكلام حتى أعانق حرفه!!
ولكن.. وعكس كل توقعاتي.. أصبحت البرمجة جزءا مني لا أقدر على الانفصال عنه أبدا.. ليس لأنها أغرقتني ولكن.. لأنها أصبحت عشقا لامثيل له..

أما زنبقة حينما يعتريها جنون الكلمات.. وتستهويها عواصف الفكر.. فإنها تصبح كالطفلة المنزوية في زاوية أحلامها.. لا تغادرها حتى تنهي هذيانها.. ولا تسمح لأحد أياً كان بمشاركتها هذا الهذيان والجنون المؤقت حتى تنتهي وتسكب آخر قطرة من هذيانها المزعوم..